ආදරය සුන්දරද?

ආදරය සුන්දරද කියලා මම ඔබෙන් ඇහුවොත් ඔබ කියාවි "ඔව්" කියලා.වෙන උත්තරයක් දෙන්න හිතුණත් උත්තරයක් හදා ගන්න අමාරැ නිසා "ඔව්" කියලා කියයි.මොන දේවල් මොන මොන විදිහට වෙනවද කියලා කාටවත් හරියටම කියන්ඩ බැහැනේ.
එක එක අය ආදරය දකින්නේ වෙනත් වෙනත් විදි වලට. මමත් කියන්නම් මම ආදරය දකින්නේ කොහොමද කියලා.
මම දකින විදිහට නම් ආදරය කියන්නේ එක්තරා විදියක පිස්සුවක්.අපි හැමෝම කාටහරි ආදරය කරලා එහෙමත් නැත්නම් ආදරය කරමින් ඇති.ඒ කොයි හැටි වෙතත් මේ විදියට තමයි මම ආදරය දකින්නේ.

"ආදරය සුන්දර වන්නේ එය සාර්ථක වූ අයටයි.ආදරය කරන්ඩ ගිහින් කෙළවෙච්ච එකාට ඒක පරමාණු බෝම්බයක් වගේ.අවුරැදු ගාණක් යනකල් ඒකෙන් වෙන හානිය නවතින්නේ නැහැ."

මේක කියෙව්වාම ඔයාලට මාව පිස්සෙක් කියලා හිතෙන්නත් පුළුවන්.ඒත් මම කිව්ව දේවල්වල ඇත්තකුත් තියනවා නේද?

"කලා වැව හි‍ඳෙනවා
ආයෙමත් පිරෙනවා
මගේ හිත බි‍ඳෙනවා
ආයෙමත් හැදෙනවා

හිදුනු වැව් පතුලේ
කටුකොහොල් පෙනෙනවා
රිදුනු හිත් මඩලේ
සෝ සුසුම් දැවෙනවා

පිරැණු වැව් ජලයේ
සුදු නෙළුම් සරනවා
හැදුන හිත් මඩලේ
පෙම් සුවද දැනෙනවා"


අමරසිරි පීරිස් මහත්තයා ඔය සින්දුව කිව්වේ කට කහනවට නෙමෙයි.ඔය සින්දුවේ ලොකු තේරැමක් තියනවා.දැන් ඇති‍ නේද?
‍මම තවත් මේ ගැන ලියන්න ගියොත් කියවන ඔයාලට පිස්සු හැදෙයි. ඒ කොයි හැටි වෙතත් කමක් නැහැ.හොදට හිනාවෙලා ඉන්න.හිනාවෙන තරමට ප්‍රශ්න අමතක වෙලා යනවා.ඒ විතරක් නෙමෙයි සමහර ප්‍රශ්න ප්‍රශ්නද කියලත් හිතෙයි.ඒ හින්දා හොදට හිනාවෙලා ඉන්න.

තැන තැන රැගෙන යා හැකි මෙහෙයුම් පද්ධතියක්

මම කියලා දෙන්න හද‍න්නේ ඔයාලට ඕන තැනක අරන් ගිහින් වැඩ කරන්ඩ පුළුවන් මෙහෙයුම් පද්ධතියක් එහෙමත් නැත්නම් Portable Operating System එකක් ගැන.
ඒ තමයි SLAX ඔයාලට පුළුවන් ඒක CD එකක හරි එහෙමත් නැත්නම් Pen Drive එකක දාලා පරිගණකයේ ධාවනය කරන්න.
මුලින්ම ඔයාලා කරන්න ඕන http://www.slax.org/get_slax.php එකට ගිහිල්ලා CD Version එක හරි USB Version එක හරි Download කර ගන්න එක.ඊට පස්සේ

CD Version එක Download කරපු අය

First Boot Device එක CD ROM විදියට සකසලා CD එකෙන් Start කරන්න.

USB Version එක Download කරපු අය

First Boot Device එක Removable Disk විදියට සකසලා CD එකෙන් Start කරන්න.


මේ මෙහෙයුම් පද්ධතියේ ලොකු වැදගත් කමක් තියනවා.ඒක තමයි අපේ පරිගණකය දැන් තියන මෙහෙයුම් පද්ධතිය මගින් පණ ගන්වන්න බැරි අවස්ථාවක අපට අවශ්‍ය කරන File ටික මේ Slax මාර්ගයෙන් අපිට බේරගන්න පුළුවන්.කොච්චර වටිනවද නේද? කාලය කියන දේ ටිකක් වැඩිපුර තියන වෙලාවක අත්හදා බලන්න.බැලුවට මහන්සිය අපතේ යන එකක් නැහැ. කවදාක හරි උවමනා වෙයි.

මගේ පළමු post එක

ඔන්න ඉතින් මම දෙයියනේ කියලා බ්ලොග් එකක් ලියන්ඩ පටන් ගත්තා.ලියන්ඩ පටන් ගත්තා විතරයි ගොරවන්ඩත් පටන් ගත්තා.බලන්ඩකෝ ඒකෙත් හැටි.
අපේ ජීවිතේ ඒකාකාරී විදියට ගෙවිලා යන හින්දම තමයි මට හිතුණේ මේ වගේ බ්ලොග් එකක මට හිතෙන දේවල් ලියන්ඩ.
අපි මොනවද ජීවිත කාලය පුරාම කරන්නේ හිනා වෙනවා අඬනවා දුක් වෙනවා සතුටු වෙනවා ඔච්චර තමයි.බලාගෙන යද්දි ඔයාලට හිතෙයි මේ ජීවිතේ හරිම මායාවක් කියලා.
ඉතින් ඔයාලට නිදහස් වෙලාවක් තිබුණොත් කියවලා බලන්ඩ මොනවද මේ ලියලා තියෙන්නේ කියලා.